قرار يُثير غضب نجوم في سورية: "عم يقلعوا المواطن المتمسح"!
متابعة_لين محمود
أثار قرار محافظة دمشق القاضي بتحديد أوقات فتح وإغلاق كافة الفعاليات في العاصمة ردود فعل غاضبة بين معظم المواطنين، ظهرت بتعليقات ناشطين وفنانين على مواقع التواصل الاجتماعي.
وكانت أول المعلقين على القرار النجمة شكران مرتجى، في منشور على صفحتها الشخصية كتبت فيه: إلى من يهمه الأمر ولا أعتقد يوجد،لذاااا
بالنسبه للصبيه والشب اللي حاجزين لعرسهم من سنه ومايترتب عليه من إجراءات شو يعملوا هلق؟؟
مو المفروض مهلة عالأقل شهر لحتى مايطلقوا من هلق ويبطلوا يتجوزوا ؟؟، بالنسبه للناس اللي بتروح عالمطعم وممكن تضل خمس ساعات على كولايه بس مشان الكهربا والنت والمكيف، شو يعملوا؟؟
وأضافت: بالنسبه للي بده يسكر محله ويروح عالحانه ليشرب سم الكراتي (بدون كحول)لينسى همه وينسى قرارتكم لبين مايغير أواعيه بتكون سكرت الحانه وبين حانا ومانا ضاعت لحانا شو يعمل هلق ؟؟، اللي بمحله بالسوق ع فكرة مو طاير عقله كتير بالقعده بس مشان يلحقلكم مصاري ويتنفس هوا نضيف ويفش قلبه لجاره شو يعمل هلق؟؟"
وتابعت:" اقتراح إبقاء المشافي ٢٤/٢٤ ، مشان الجلطات الله يحمكيم"
وختمت قائلة: بعد التفكير والتمحيص والتدقيق حبيت ظن ظن خير بالقرار بركي ليجيبولنا الكهربا بالليل ممكن ع فكره الجماعة ممكن يكونوا حبابين، بحبك سوريا"
من جهته علق المخرج السوري يمان ابراهيم قائلاً: بعد كل القرارات التعسفية بحق المواطن يأتي قرار الاغلاق للمحلات والمطاعم بساعات الليل صار عندي قناعة انو المقصود قوم انقلع يامواطن بكافة فئاتك من البلد .. بس المواطن مكلح وصار متمسح معاد فرق معو شي"
محافظة دمشق تصدر قراراً يتعلق بـ تحديد أوقات الفعاليات
يذكر أن قرار محافظة دمشق تضمن إغلاق معظم الفعاليات الساعة 8 مساءً ومنها الأسواق التجارية ومقاهي الانترنت.
كما حددت مواعيد محال بيع المواد الغذائية والخضار،كما حدد مواعيد المطاعم بكافة تصنيفاتها و (الحانات - الملاهي)، ومحلات بيع الحلويات والعصائر والمثلجات، والمولات و كافة الفعاليات الموجودة ضمنها، وتفتتح محطات الوقود 24 ساعة، على ان تغلق صالات الأفراح الساعة 12 ليلاً.
