ريما الرحباني تشن أعنف هجوم على مايا دياب

2020.09.19 - 08:15
Facebook Share
طباعة

 شنت ريما الرحباني ابنة السيدة فيروز هجومًا عنيفاً على الفنانة مايا دياب التي أدّت بعض أغنيات والدتها في حفلها الذي أقامته منذ يومين في بيروت وأطلقت عليه وسمًا تحت عنوان "ممنوع ننسى" في اشارة منها الى أهمية عدم اغفال ما حصل بعد انفجار بيروت الذ وقع في 4 أغسطس/آب.

 
وأدت مايا في الحفل أغنيات للسيدة فيروز ما استدعى رداً عنيفاً من ريما التي قالت في منشور طويل عبر حسابها في "فيس بوك": "كل كبت الفنانين من كورونا والزربة بلا شغل فلتت علينا إلنا بفرد ضرب، وعلى أغاني فيروز! يا ربّي تنغّينا! وآخرن أوّل مبارح يبدو".
 
ريما لـ مايا: اعتمديلك شكل تنعرفك
 
 
وتوجهت ريما بالكلام لـ مايا قائلة لها: " يا شيخة اعتمد يلك شكل تنعرفك فيه والله ما عرفتك! ساعة بتنفخّي ساعة بتنفسّي ايش ده! على إش دي على أسود وأبيض! رعب العادي! يعني بصراحة صُعقت! وما عارفة منين بلّش من الحكي والا من الغِنِي"؟.
 
واعتذرت ريما من الفنانة جوليا بطرس وتكلمت باسمها سائلة مايا: "من أنت لتغنين "يا ثوار الأرض" وتغيرين بالكلام؟
 
وتابعت: "اللي بدّو يثور بدّو يكون عندو شي مُقنع بشخصيتو تيثور! وإلا ينضب أحسنلو!  بعدين عفواً يعني مينك انت تتقرّري أيمتى ووين محلُّن هولي الأغاني؟ وتعطينا درس بالأخلاق حشاكِ! سي غراڤ! بتعرفيها إنت للأخلاق؟  روحي يا عيني إارجعي لمطرحك إنت! بزيادة عليكي ميشو وبرنامج الدولاب اللي بيبرُم!
ووصفت ريما ما قدمته مايا في الحفل بـ "كوكتيل سايط طبلة وطبل من العيار الكبير شو بدّو يحكي الواحد بهدلة ما صار ولا بيصير متلا ". وتابعت: "عيني بعد إذنك تتقدري تشكري كل شخص وقف على هالسين! اللي ما بتعرفي إسما بالعربي وقدّم حالو! بدّك انت تكوني مقدّمة شغلك وحالك! مش مقدّمة شغل غيرك يا متسلّقة على أمجاد الآخرين فهمتي كيف؟
 
وتوعدت ريما في ختام منشورها الطويل أن هذه القصة لن تمرّ على خير قائلة: "يا عيب الشوم حقيقي ع كل اللي صار وعم بيصير! بس بطمّنكن ما رح تقطع ع خير ابداً  هيدا الإرهاب الفنّي صار بدّو مكافحة اكبر من مكافحة الفساد وصار بدو عقوبات كمان وِجَع!
Facebook Share
طباعة عودة للأعلى
اضافة تعليق
* اكتب ناتج 7 + 3